ސިއްރުން ރާއްޖެ އައި މަހޭޝް ބާބުގެ ދަތުރު ފަޅާއަރައިފި

އިންޑިއާގެ މަޝްހޫރު ފިލްމީ ތަރި މަހޭޝް ބާބު، އޭނާގެ އާ ފިލްމު "އެސްއެސްއެމްބީ 29" ގެ މަސައްކަތުން ބްރޭކެއް ނަގައިގެން ސިއްރުން ރާއްޖޭގައި ޗުއްޓީ ހޭދަކުރަމުންދާކަން ފަޅާއަރައިފިއެވެ. އޭނާގެ މި ދަތުރުގެ މައުލޫމާތު ގިނަ ބަޔަކަށް އެނގިގެން ގޮސްފައިވަނީ، އޭނާ ސޯޝަލް މީޑިއާގައި ހިއްސާކުރި ފޮޓޯތަކަކާ ގުޅިގެންނެވެ.

މަހޭޝް ބާބު އޭނާ ހުރި ތަނެއް ހާމަނުކޮށް ސޯޝަލް މީޑިއާގައި ފޮޓޯތަކެއް ހިއްސާކުރުމާއެކު، އޭނާގެ ފޭނުން ވަނީ އޭނާ ހުރީ ރާއްޖޭގައިކަން ދެނެގަނެފައެވެ. އެ ފޮޓޯތަކަށް ކޮމެންޓުކުރި ގިނަ ބަޔަކު ދަނީ އޭނާގެ އާ ފިЛްމަށް ނިސްބަތްކޮށް "އަސްލު ތޫފާން" ގެ ނަމުން މުހާތަބުކުރަމުންނެވެ.

މަޝްހޫރު ފިލްމީ ތަރިންނާއި ރާއްޖޭގެ ރީތި މަންޒަރުތައް އެކުވުމުން އެފަދަ ފޮޓޯތަކަށް ސޯޝަލް މީޑިއާގައި އަބަދުވެސް ބޮޑު ތަރުހީބެއް ލިބެއެވެ. އެގޮތުން، މަހޭޝް ބާބުގެ ފޮޓޯތައް މިހާރު ވަނީ ވަރަށް ބޮޑަށް ވައިރަލްވެ، ގިނަ ބައެއްގެ ސަމާލުކަން ހޯދާފައެވެ.