1988 ގެ އުދުވާނީ ހަމަލާގައި ޝަހީދުވި ބޭފުޅުންގެ ގުރުބާނީގެ ހަނދާންތައް އާކޮށްފި

ނަސްރުގެ ދުވަހުގެ މުނާސަބަތުގައި، 1988 ނޮވެންބަރު މަހުގެ 3 ވަނަ ދުވަހު ދިން އުދުވާނީ ހަމަލާގައި ޝަހީދުވި ބޭފުޅުންގެ ގުރުބާނީތަކުގެ ހަނދާންތައް އާކޮށް، އެ ބޭފުޅުންގެ އާއިލާތަކަށް ހާއްސަ ހަނދާނީ އައްޑަނައެއް ރައީސުލްޖުމްހޫރިއްޔާ ހަވާލުކުރައްވައިފިއެވެ. މި ރަސްމިއްޔާތަކީ އެ ދުވަހު ގައުމުގެ ދިފާއުގައި ފ ގުރުބާންކުރެއްވި ބަތަލުންގެ ހިދުމަތުގެ އަގު ވަޒަންކުރުމުގެ ގޮތުން ބޭއްވި ހަރަކާތެކެވެ.

އެގޮތުން، 1988 ވަނަ އަހަރުގެ ނޮވެންބަރު މަހުގެ 3 ވަނަ ދުވަހު ދިވެހިރާއްޖެއަށް ކުރިމަތިވި ޓެރަރިސްޓް ހަމަލާގައި ސިފައިންގެ 8 ބޭކަލަކާއި އާންމު ރައްޔިތުންގެ 11 މީހަކު ޝަހީދުވެފައިވެއެވެ. މި ހިތްދަތި ހާދިސާގައި ޝަހީދުވި ބޭފުޅުންގެ ހަނދާނުގައި، ޝަހީދު އިސްމާއިލް ހަލީމްގެ އާއިލާއަށް ރައީސުލްޖުމްހޫރިއްޔާ ވަނީ ހަނދާނީ އައްޑަނައެއް ހަވާލުކުރައްވާފައެވެ.

މި އައްޑަނަ ހަވާލުކުރެއްވުމުގެ ރަސްމިއްޔާތަކީ ދިވެހި ގައުމުގެ މިނިވަންކަމާއި ސިޔާދަތު ދިފާއުކުރުމަށްޓަކައި ޝަހީދުވި ބޭފުޅުންގެ އާއިލާތަކުން އުފުލި ގުރުބާނީއާއި ހިތްވަރު ގައުމީ ފެންވަރުގައި ފާހަގަކުރުމުގެ ގޮތުން ކުރިއަށް ގެންދިޔަ މުހިންމު ހަރަކާތެކެވެ. ދައުލަތުން އަބަދުވެސް އެފަދަ ގައުމީ ބަތަލުންގެ ހިދުމަތްތައް ފާހަގަކޮށް، އެކަމުގެ އަގު ވަޒަންކުރާނެކަން މިކަމުން ހާމަވެގެންދެއެވެ.